Club de Letras: 2022

miércoles, 21 de diciembre de 2022

TAREFA IGUALDADE NAS RÚAS (3º E 4º DE PRIMARIA)

Esta tarefa consiste en investigar sobre mulleres pioneiras galegas para propoñer ao concello rúas e/ou espazos públicos con nomes de muller e elaborar a sección “Que está pasando?” do programa de radio quincenal "A voz de Athenea”, para compartir coa Comunidade Educativa.

Con esta tarefa levamos ao alumnado a reflexionar sobre a importancia de formar parte de plans de acción reais na nosa localidade,que neste caso contribuen especialmente, ao desenvolvementos dos ODS 5 e 10.

Investigamos sobre mulleres pioneiras galegas para colaborar co concello na iniciativa de buscar propostas sobre mulleres importantes da historia, economía, movementos socias, ciencia , cultura… para que exista máis presenza de mulleres nas rúas e espazos públicos de Tui e crear a sección dun programa de radio con outros cursos favorece a competencia en comunicación lingüística, dixital, cidadá, persoal,social e de aprender a aprender, así como a competencia emprendedora e a creatividade.

Estes son os pasos que se segueron para o seu desenvolvemento:

video -resumen da tarefa “igualdade nas rúas”

lunes, 27 de junio de 2022

Go healthy

Durante o segundo trimestre continuamos a traballar os ODS (Obxectivos de desenvolvemento sostible), neste caso profundizamos sobre o ODS 3 "Saúde e benestar" co obxectivo de dar a coñecer ó noso alumnado os nutrientes que están presentes nos alimentos que consumimos.

Comezamos por coñecer os nutrientes dos alimentos empregando un recurso como os "recordable pegs" para o que era necesario realizar unha escoita activa.

Cando os nenos pulsaban nas pinzas, estas contaban as propiedades de cada nutriente e completaban a información. Encantoulles averiguar como facer que as pinzas falaran.

Posteriormente, traballando en equipo porque "Xuntos somos máis fortes" recabamos información sobre os distintos nutrientes e como se organizaban, aprendendo sobre dous tipos de organización: a pirámide de alimentos e o prato de Harvard.

Organizamos os alimentos seguindo a pirámide alimentaria

Organizamos os alimentos seguindo o Prato de Harvard

Posteriormente aprendimos máis sobre alimentos da man da nosa experta en cociña e encargada de comedor Isa, foi moi interesante.

Finalmente, decidimos facer unha merenda saudable e puxémonos mans a obra. Cada grupo fixo receitas diferentes, pero todos e todas fixemos batidos que resultaron moi refrescantes.

Todo isto serviunos tamén para achegarnos a libros sobre alimentación, que vos recomendamos moito, como os seguintes:

Podedes coñecer máis sobre esta tarefa na web do cole, na sección de ámbitos.

lunes, 13 de junio de 2022

INFANTIL: TAREFAS CURSO 2021-2022

Durante este ano académico en infantil estivemos xogando entre libros, experimentos, robótica... Fixemos dúas tarefas que están recollidas aquí:

A primeira, "A roda cromática", na que xogamos con cores e aprendimos sobre elas a través, sobre todo, da experimentación. Se pinchas aquí podes acceder ao documento da tarefa

Na segunda tocounos facer as "Reading recomendations", e escollimos diferentes contos para afondar no eido emocional do alumnado, traballando valores transversaias á escola. Se pinchas aquí podes acceder ao documento da tarefa: